Sonu disincantadu happo collidu
de launeddas e pipiriolu.
Est de ezza magia su brazzolu
de mammas e de nonnas sa ninnia.
Est toccad' a Zuseppe e a Maria
notte manna cun su piccinnu ischidu.
Timorosu accostende sas laras
man' astringhinde su sinu cuntentu.
Nuscu e paza lu atti su entu
su piantu 'e su piccinnu iscurzu.
Nott'e astrales musicas accurzu
de pan'e latte annadas avaras.
Ego puru 'e b'ona volontade
cument' han fattu sos primos pastores.
Magicos Rès sos tres viazadores
festosu mi soe imbenugadu.
pro li narre sa pena su peccadu
pro pedire salude e amistade.