S'Istitutu de istùdios e chircas "Camillo Bellieni" est resurtadu binchidore de su bandu de sa Provìntzia de Nùgoro, ente chi at a pònnere in òpera unu progetu finantziadu dae sa R.A.S., Assessoradu a sa Cultura e I.P., pro s'acumprimentu in 52 Comunas de unas cantas atividades de promotzione linguìstica e culturale.
In intro de custu progetu sunt prevìdidas duas atividades: 1) Cursu de limba sarda pro sos mannos de 4 oras chi s’ant a fàghere partzidas in duos addòbios in unu locale postu a disponimentu dae s’Amministratzione comunale; 2) Laboratòriu de 2 oras in sardu pro sos piseddos de 5 annos e sas mamas e/o sos babbos issoro chi s'at a fàghere in un'addòbiu ebbia in s'iscola de riferimentu de sa Comuna.
Custas initziativas ant su fine de dare informatziones craras pretzisas e fundadas a manera iscientìfica pro su chi pertocat sos profetos de su bilinguismu pro chie lu pràticat: famìllias, maistros, educatores, populatziones e in prus acrarire sas normas ortogràficas de referèntzia pro sa limba sarda iscrita e dare a connòschere totu su materiale in sardu produidu in custos annos (libros pro mannos e pitzinnos, dvd didàticos, rivistas).
Sos espertos chi ant a traballare pro pònnere in òpera custas atividades ant a èssere sos operadores linguìsticos de sa Provìntzia de Nùgoro e de Tàtari chi ant esperièntzia in campu linguìsticu e ant a èssere coordinados dae su grupu didàticu de s'Istitutu Bellieni.
Custas atividades cherent acumpridas intre su 10/03/2014, pro aderire tocat a comunicare in telèfonu o pro iscritu cun sa segreteria organizativa de s'Istitutu Bellieni a sos recàpitos iscritos suta:
- Istitutu de Istùdios e Chircas “Camillo Bellieni”- Via Maddalena, n°35-07100 Tàtari. Tel/Fax 079/230268 - istitutobellieni@gmail.com
-Adriana Cocco (349/2154180), Maria Antonietta Pinna (349/3854612), M. Leonarda Correddu (393/9356307).
DIES DE SAS ATIVIDADES IN SAS COMUNAS
Cursu de limba sarda pro mannos
Olzai - 14 e 21 freàrgiu
Fonni - 17 e 24 freàrgiu biblioteca h: 16:30-18:30
Orotelli - 18 e 25 freàrgiu biblioteca h: 16-18
Teti - 20 e 24 freàrgiu sala de su cunsígiu h: 17-19
Oniferi - 21 e 28 freàrgiu sala de su consìgiu h 18-20 (operadore Sara Nieddu)
Ottana - 26 freàrgiu e 12 martzu biblioteca h: 16:30-18:30
Ollolai - 27 freàrgiu e 03 martzu biblioteca h: 15-17 (operadore Sara Nieddu)
Tiana - 06 e 07 martzu biblioteca h: 17-19
Lodine - 07 e 10 martzu h 16-18 biblioteca,
Sarule - 08 e 12 martzu tzentru de agregatzione sotziale
Orani cherent galu cuncordadas
Gavoi cherent galu cuncordadas
Ovodda cherent galu cuncordadas
Laboratòriu in sardu pro sos pitzinnos de 5 annos e a sos babbos e mamas issoro
Olzai 14 freàrgiu iscola h 14:30-16:30
Fonni 17 freàrgiu iscola h 14:00-16:00
Orotelli 18 freàrgiu iscola h 14-16
Ottana 26 freàrgiu iscola h 14-16
Oniferi 28 freàrgiu iscola 16:30-18:30 (operadore Sara Nieddu)
Ollolai 07 martzu iscola h 13:30-15:30 (operadore Sara Nieddu)
Orani 07 martzu iscola h 10-12