CASTEDDU. Partzidas sas presidèntzias de sas cummissiones regionales. Bilàntziu, Ambiente, Urbanìstica e Atividades produtivas andant a su Partidu democràticu; Autonomia a Sel; Sanidade a Sardigna vera, su grupu chi in cussìgiu aunit sos eletos de sa Base, de su Psi, de s'Upc e de s'Idv/birdes. Pro su chi pertocat sa presidèntzia de su Cussìgiu, su vitze de Ganau est su giòvanu (28 annos) Enrico Lai de Sel. S'àteru vitze at a èssere de seguru Antonello Peru de Forza Italia. Ambos sos duos cuestores a su tzentru manca: Alessandro Unali de sa manca sarda e unu de su grupu soberanista.