Bellas Vestias a S'antiha
Vestias a oddittu 'e listone
trizzas a crundile e cappiale.
Palas astrintas, novu su ohdale
de brocadu froniu su zipone.
Sa amisa bianca 'e cotone
vardellinu 'e pannu froreale.
Su tullu de isposas est su sinzale
a Santu Pordzulu is sa profesone.
Un tesoros antihos de oraddu
perda 'e occru e iscapullariu
e guttones de oro po amore.
Mudàs è su ghion' e su ovaddu
ihntas a fronimentu millennariu
galanas a brinchittos de folcrore.
Salvatore Frau