Comente ais coladu su mes'austu? Che a imperadores? Si est gasi podides nàrrere de àere fatu finas bois sa “feriae Augusti”, su perìodu de pasu – e de festas - chi Otavianu Augustu aiat istituidu in su de degheoto sèculos in antis de Cristos. Sa Crèsia catòlica, a inghìriu de su de sete sèculos, at assimiladu custa ricurrèntzia comintzende a tzelebrare s'Assuntzione de Maria. Ma b'at de nàrrere chi nemmancu s'imperadore mentovadu at imbentadu nudda: sas festas de cussu perìodu de s'annu s'agataiant in antis de sa detzisione sua tzelebrende a su deus  (Conso) de sa terra e de sa fertilidade. Duncas una festa pagana chi si faghiat cun s'agabbu de sos traballos agrìculos faghende cùrrere sos caddos e imbellende sos boes cun frores.