Sereno Natale dalla redazione labarbagia.net 

Piccinnu  Sacradu

Dorm' in  sa  paza  piccinnu    sacradu
tenes  mamma  ermosa  a  t'allattare.
Pilos  castanzos  occros  color'e  mare
casta   'e  Chelu  fizu  de  altu   gradu.

Dormi  dormi  cun  gustos   soberanos
maternos  pro  t'astringher'e   basare.
Sos c'han  tentu  licenza  'e  ti toccare
beneittas      teniana     sas    manos.

Dormi dormi  a  costadu  'e  s'armentu
a   musica  'e   sos   angelos  de  deu.
Dorm'a  ninnias  de   su  populu   meu
in    su    brazzolu   'e  vida   cuntentu.

Dormi    dormi    fizu      'e       misteru
miro   s'istella    tua    est  un' incantu.
De    notte   de   nadale   su     piantu
sinzale     craru      nobil'e       sinceru.

Dorm' est  Zuseppe    mastru  e  galanias
non  b'est  che  issu  unu  babbu  uguale.
Pro    ider     tue    sa     lughe       Natale
ain'a     fune    ha    rucradu      traschias.