Sun' in via Taloro
sas bellas de sa idda
riccas de simpatia

Sun'in Via Taloro
A nuscu e armidda
chircad' in cussa via
s'anima 'e su coro.

In sa processione
coloridas che rosas
estidas de brocadu

In sa processione
Paren tottus isposas
suni senza peccadu
cun tulle e cipone

Bellas naro divinas
a trizzas e candela
brilla su lastricadu

Bellas  naro divinas
Mudana sa carrela
taccos passu ferradu
parene calarinas.

Friscas e cristallinas
suni fiores de ortu
sempe de bon' umore

Friscas e cristallinas
Suni a pil' isortu
lacrimas de  amore
suni tottus velinas.
 

Salvatore Frau