In sa càttedra e Pedru, dae lontanu
setzit Bergogli’umil’e genuinu.
Cardinale Primate Argentinu
oe est su nostru Pìscamu Romanu.

Seberènde Frantziscu Assisianu,
chi de sos poveros fit paladinu.
S’ispiritu santu, su verbu divinu
intervenini in su Vaticanu;

E a sos cardinales los guidana,
indiritzendelos in sa giusta via
pro iscoberrer s’illustre pianta.

Tando a Jorge Mariu li afidana,
de su mundu sos fizos de Maria;
pro dar’amore fid’e paghe santa.

Sa Sarda Poesia