Giuanne  battista  su   vangelu
est su   tuo su  piùs   credibile.
Cun su riu  Giordanu disponibile
has cunvertidu    poi battizzadu.
Movidu da su mundu su  peccadu
ubbidiente  a   su   babbu 'e chelu.

De  su  Salvadore  a   su    viancu
mesu  'e   gente  de  cada    zenia.
Paghe  has  predicadu in d'onzi  via
de  Deus   fias     sempe testimonzu.
Puru  si  Cristos  no  ndae  bisonzu
las    sighidu     idele mai    istancu.

Tue      a    su entu   abboghinavas
nendeli   de   abberrer su camminu.
In  su desertu  avanzava  su  divinu
li  dimandavas    su   sou    misteru.
Senza  ine     de      amore      veru
Su  viazu  'e    Gesù      ispiegavas.

Las  idu    in   sa     divina   missione
nend'a   Lazzaru  pesa dae   corcadu.
Cando  su cecu 'e naschida ha sanadu
beneighende    puru    su   peccadore.
In         carestia           moltiplicadore  
de     pane,   vinu      e     comunione.

Supra   su  monte  Cristos  Redentore
monumentu   postu  a   bella     vista.
las    idu    tue      Giuanne     Battista
cun   su    poddighe  alziadu   in'  altu.
Beneighende a sas viddas e su  sartu
e   s'armentu      de    cada    pastore.