Oe hapo lezìdu in su giornale
ch’in Gavoi bi faghen festa manna
pro poder onorare Albinu Sanna,
de sos giovanos ghia essenziale.

Deghe lustros de vida curiale:
chissà a cantos abertu hat sa gianna,
e mancari salvadu da cundanna,
ca bi nd’hat tantos ch’ìsfidan su male.

Bi nde chetiat medas che a issu
Pro indicare de Cristos sa vida
ca no est sempre bene illuminada.

Custos versos li giutan s’imbasciada:
chi deo puru l’happo in simpatia
e chi m’iscuset si mi so permissu.

In Macumere su 12/07/2014